樂壇天后王菲去年喺北京機場偕男友謝霆鋒重演23年前「世紀一拖」，情比金堅，大家都知二人愛得低調又甜蜜，估唔到今年農曆年一過，佢哋又再次喺機場放閃！尋晚（26日）深夜，王菲同謝霆鋒由日本旅行返北京，兩人一同抵達北京機場，並坐膊頭貼膊頭咁坐擺渡車，王菲罕見不理在場人士目光，用手拍拍霆鋒手臂撒嬌，二人又靠近彼此傾密偈，畫面再次震撼全中國。
期間有粉絲衝向王菲身邊索取簽名，王菲親切地簽名後還給粉絲，又八卦粉絲拎特別造型嘅相機，忍唔住瞪大眼睛問：「寶麗來？」謝霆鋒隨即糾正係叫做「拍立得」，王菲大發嬌嗔地輕輕打謝霆鋒手臂，然後笑住重複「寶麗來」，霆鋒則露出寵愛眼神。後來有粉絲同王菲道別講「姐姐再見」，王菲一臉驚訝地轉頭同霆鋒表示：「她叫我姐姐！」少女又可愛一面盡現。