天后容祖兒經常爆笑料，其實她本身喜感十足，她剛在社交平台分享昨晚（16日）演出片段，竟然唱唱吓歌成支咪飛咗落台，她嚇得挈大個口得個窿，真係好搞笑，她寫道：「唔好睇我喺台上咁醒目，其實一直以來我有個花名叫da la di la，做甚麼都倫倫盡盡，斟水飲會倒瀉水，攞乜都會掉在地上，食飯嘅時候畀我阿媽話下巴係咪穿窿，啲朋友話跟住我尾一定會執到寶，正所謂要發生，始終發生。」
她續寫：「尋晚encore時分我終於將成支咪凌空飛落地下嘅滋味，望住佢由高處拋物線跌落地下嗰一個瞬間，成個畫面同攞錯顏色購物袋一樣咁surreal（離奇），當時我嘅心臟足足停止跳動咗2秒，好彩沒有扑穿第一行朋友個頭，佢仲好醒目仔咁即刻畀返我，成件事好rock，鬼叫大家咁high，High到我支咪stage diving，在我身上，真係，Nothing is impossible，其實唔係第一次。」