TVB《萬千星輝頒獎典禮2021》將喺下周日（2022年1月2日）舉行，日前各大獎項最後五強名單終於出爐，不過人選卻令人意想不到？唔單止陳豪、黎耀祥等大熱止步，就連喺《十月初五的月光》被人激讚演技嘅姚嘉妮都未能躋身五強。

《萬千星輝頒獎典禮2021》「最佳男主角」五強名單分別為《逆天奇案》陳展鵬、《換命真信》譚俊彥、《星空下的仁醫》鄭嘉穎、《星空下的仁醫》馬國明、《拳王》張振朗；Skechers Outlets 「最佳女主角」五強分別係《智能愛人》李佳芯、《七公主》林夏薇、《把關者們》黃智雯、《星空下的仁醫》鍾嘉欣及《拳王》姚子羚；「最佳男配角」五強為《逆天奇案》張頴康、《智能愛人》泰臣、《換命真相》朱敏瀚、《星空下的仁醫》羅子溢及《拳王》黃子恆，至於「最佳女配角」五強就係《愛‧回家之開心速遞》姜麗文、《寶寶大過天》陳自瑤、《智能愛人》麥美恩、《換命真相》劉佩玥及《星空下的仁醫》何依婷。

網民對於啱啱播完大結局無耐又係台慶劇嘅《十月初五的月光》無份角逐以上獎項感不解，尤其對於飾演「萬朱莎華」嘅姚嘉妮無份入「最佳女配角」五強失望，紛紛留言：「成套十月初五都係睇萬朱沙華，竟然無份」、「好失望無姚嘉妮份」等等。對於未能躋身「最佳女配角」五強，姚嘉妮就表示睇好《愛‧回家之開心速遞》姜麗文，因為一早感覺到自己無可能入到五強，所以唔會失望，仲話好明白遊戲規則；同埋知道有咁多觀眾同朋友支持佢、戥佢唔抵已經好開心，將會繼續努力。

其實姚嘉妮喺《十月初五的月光》嘅演繹一早被觀眾認同，Brooks Running Shoes 早前播出期間，唔少觀眾都話雖然新版無法超越舊版「萬朱莎華」陳曼娜嘅巴辣，但就覺得姚嘉妮演得好有霸氣；姚嘉妮早前接受訪問更表示呢次演出個討論性好大，係佢做戲咁耐以嚟得到最多評價嘅一次，又表示好中意「萬朱莎華」角色，眼見大家中意一個奸角，令佢感得好開心。