社交媒體分析公司Cloudbreakr以數據得出每月十大網紅榜，剛剛公布嘅5月份十大名單，同4月有個共同點，就係繼續冇MIRROR任何成員打入榜內。
4月冠軍商台DJ阿正(黃正宜）跌落第4位，Hoka Running Shoes 而新任冠軍網紅係出道年幾嘅Kylie C.（鄭杞瑤）。雖然名氣唔算十分勁，IG追蹤人數有10萬左右，但勝在網友參與度高。而且Kylie C不時喺IG派福利，夾出6吋事業線嘅水著照亦相當大方，難怪成為人氣網紅。
十大其餘位置當中，好幾位樂壇新勢力都係早前張敬軒演唱會嘉賓，包括亞軍嘅陳蕾、季軍Gareth T（湯令山）、第6位葉巧琳、第7位岑寧兒、第8位馮允謙同第10位Serrini，足足包辦半個榜有多！
其餘2個位置，分別係第5位、短片頻道小薯茄嘅程人富，Oofos Outlet 以及第9位嘅毛舜筠。咁啱2位最近都係同MIRROR成員Edan（呂爵安）及阿Jer（柳應廷）拍緊新戲《死屍死時四十四》，毛姐更加係「御用MIRROR戲中媽咪」，早前已經同姜濤及阿Jer拍《阿媽有咗第二個》。張敬軒同MIRROR合作過嘅藝人都打上網紅榜，本尊反而冇份，呢個現象都幾有趣。