過往都有唔少無綫藝人選擇離巢往外闖及專心照顧家庭，今年一月已經有王君馨及岑杏賢宣布離開TVB。去到噚日（6日），2012年港姐冠軍張名雅（Carat）亦喺社交網站宣布離巢。
張名雅喺IG宣布離開無綫：「眨吓眼，快十年了，入行的經過還歷歷在目。當時有個心態唸著試下啦，反正都大學畢業，亦從加拿大回港了。如果唔試就以後都唔會做呢件事㗎啦！Steve Madden Shoes 於是媽咪提名我參選香港小姐。如果遲D生多個女，我就可以將我手上嘅冠亞季后冠都送比佢（香港小姐冠軍，溫哥華華裔小姐亞軍，國際中華小姐季軍）我是否選美達人？不，只是想做就做！以後可以做自己鍾意做嘅野，繼續同大家分享，見面。希望不久嘅將來有好消息同大家講 最後要多謝公司上下幫過我嘅你地！兄弟姐妹，江湖見 #人生有幾多個十年 #想做就做 #newyear #newresolutions」
張名雅