傅穎（Theresa）日前以「不上位又不上岸，到底想怎樣」為題拍片，直言無法接受以「潛規則」上位，仲坦言自己喺其他人眼中係唔合流嘅藝人。有「翻版張栢芝」之稱嘅退選港姐楊埕近日就表示超認同傅穎所講嘅一切，話自己嚇到跑返落嚟，更加點名迪麗熱巴，引起網民討論。

楊埕2014年參加香港小姐競選，Jordan Release News 入選16強但因合約問題退賽，2016年入讀中央戲劇學院，曾參與內地綜藝節目《星星美人魚》，近幾年佢就返嚟香港發展，客串過《使徒行者3》、《失憶24小時》等劇集。楊埕直言好多人都問過佢點解唔繼續留喺內地發展，佢就坦言：「要是無底線早就紅了！無人無物的我，嚇到跑返落嚟……」又表示除非好似鄧紫棋（G.E.M.）特別唱得，否則合則來不合則去：「你唔係覺得你演戲好人哋就要俾你上位啊？你看到現時有點名的藝人都『全有後台』不論是背景、男朋友、富豪…名冊一大堆，我夠膽說圈內無秘密，誰不知道誰跟誰？」楊埕亦直接點名迪麗熱巴：「突飛猛進又唔係迪麗熱巴，咁多人唔用用你呢兩三年的新人拍大節目？只是記者無圖／免得罪大人物唔爆。」疑似有影射迪麗熱巴之嫌。

不過，楊埕今日（10日）就喺IG分享短片指自己被誤會，解釋自己超級中意迪麗熱巴，形容迪麗熱巴係女神，所以用佢嘅「美」做例子，指當時嗰句說話係指：「如果你沒有鄧紫棋唱功，又沒有迪麗熱巴那麼美，那沒有特色的話，怎麼紅呢？」New 2021 Jordans 楊埕仲直言係因為見到身邊好多靠關係上位嘅例子，所以就有感而發寫咗幾句說話，但分別有媒體就將其中一啲句子放喺標題到，佢仲表示因爲媒體斷章取義令好多網民喺唔同平台鬧佢，但對於媒體同網民留言其實自己無咩感覺：「其實我不太care澄清，只是不想傳到女神那裡，看到會誤解我誤解她。」