劉思希（Lisa）唔經唔覺已經入行10年，有份參演嘅無綫劇集《我家無難事》正在熱播中，再次做醜女嘅佢喺劇中飾演有錢女田羽冰，暗戀馮耀山（黃嘉樂飾），Sneakerheads2020佢嘅打扮相當出位，喜歡鮮艷打扮，兼戴上一副厚厚的近視眼鏡。日前劇情就講到佢被男網友欺騙，身陷險境，衣衫不整逃亡，好彩最後關頭獲耀山英雄救美，之後佢哋返婚紗店休息，期間冰冰主動出擊，成功色誘耀山上床。

唔少網民對於呢場床戲都非常關注，除咗大讚黃家樂嘅fit爆身形之外，仲紛紛留言評論劉思希嘅外貌，仲話覺得呢一幕床上戲係劉思希賺咗，例如「第一次覺得係個女演員賺咗」、「明明係彿地魔黎，呃我唔到既」、「本身都…個鼻哥窿好奇怪，每次見到都諗點了鼻屎。何來話不介意演」及「我只係覺得佢個鼻整得好唔自然」等等。

現年36歲嘅劉思希（Lisa）喺11年參選港姐，落選後隨即加入無綫，入行初期曾經擔任無綫娛樂台主播，之後開始參與劇集拍攝工作，例如《忠奸人》嘅Gillian、《迷》嘅爆牙醜女肖小红、《丫鬟大聯盟》霍燕貞及《愛‧回家之開心速遞》嘅洋洋等等。另外，Dr Marten Boots好學嘅劉思希仲係一名高材生，入行前佢畢業於美國林肯大學行政管理碩士，而入行後佢一邊拍劇，一邊喺科大修讀EMBA課程，呢個課程係全球EMBA課程連續三年排首位，學費索價137萬港幣，前年佢以8A成績畢業。