早前電盈公布業績，旗下ViuTV轉虧為盈，原創業務亦貢獻部份收益。向來Viu都會喺黃金時段播外購劇，收視仲幾好，不過據消息透露，ViuTV將會一連推出3部自家製劇集，情況係開台以來少見。

現時黃金時間正在播放劉俊謙、蔡思韵及吳海昕等主演嘅《940920》，而喺套劇播完之後，接力嘅係另一套自家劇《反起跑線聯盟》。《反》由梁詠琪、周家怡、Chippewa Boots 潘燦良及強尼主演，涉及教養子女題材，論卡士及內容絕對有話題性。另外有傳15集嘅《反》播完之後，4月中Viu會推出另一套由郭羨妮、劉心悠、栢天男及蘇志威主演嘅《冥冥之中》。共有30集嘅《冥》係ViuTV開台以來首套中篇劇，由前TVB導演黃偉賢監製，故事以一間製造死亡事件以平衡人口嘅公司為背景，故事奇幻。

即使ViuTV收視同TVB對比仍有大段距離，但大台唔敢怠慢。4月中8點半時段推出首度開拍嘅喪屍題材劇集《食腦喪B》，而9點半時段緊接《飛虎3壯志英雄》喺4月頭播出嘅，Birdies Shoes 據知係陳展鵬主演嘅《黯夜守護者》。去年煎pang嘅《逆天奇案》成為年度收視之冠，《黯》同樣係新一代「收視福將」煎pang主演警匪劇，明顯係TVB搶收視策略。而推出時段喺正《反起跑線聯盟》尾段同冥冥之中》開播，打對台意味強烈。

至於早前有傳C君夥拍《大叔的愛》製作人盧思麟監製嘅《兇宅清潔師》，會喺TVB4月黃金時段出街，但現時仍未有最新檔期。