視后李佳芯（Ali）近日亮相楊詩敏（蝦頭）及連詩雅主持節目《絲打圍爐》，大談拍戲戲假情真，Ali雖自言識得控制感情收放自如，但亦坦言曾對對手心動，對方仲要係有婦之夫：「阿Mo（陳豪）囉，我好多套劇同佢一齊拍，《跨世代》開始熟，劇中我哋係一pair，Teva Sandals 因為阿Mo真係一個好Nice嘅人，無論戲內戲外都好照顧，佢係一個好好爸爸、好老公。有一刻會諗呢個男人，如果我早幾年入行，如果佢未結婚，真係會中，因為佢真係一個太好嘅男人。」
佢又續指自己性格獨立，拍拖時對方感受不到被需要嘅感覺：「我冇畀到對方，我好需要照顧嘅感覺，佢成日覺得我可以自己搞掂，我會覺得唔好煩，自己做到就做，其實好蝕底。」