天后容祖兒(Joey)日前與英皇集團副主席楊政龍(Alex)齊現身集團80周年活動,有份做公司開荒牛的Joey自認元老級,但Alex笑言其實只屬小兒科。她揚言要成為服務公司50年的老職員,並希望之後有機會再在大銀幕亮相,Alex即許下承諾:「返去同老闆講開戲啦!」

今年適逢英皇集團80周年誌慶,英皇集團聯同本地文化企業「活現香港」(Walk in Hong Kong)舉辦「一喜活現.英皇80年」慈善虛擬導賞活動,日前假荃灣英皇戲院舉行長者場,招待來自香港路德會社會服務處及鄰舍輔導會逾800名長者於線上及線下參與,而英皇集團副主席楊政龍與紅星容祖兒更親身到場支持。

Joey自認是公司的元老級藝人,在公司的日子已有23個年頭,她感性地說:「見證住公司好多變遷同進化,我真係好開心,呢度唔係一個工作地方咁簡單,而係一個屋企,畀咗好多栽培我,大家同步成長。(你對公司好長情?)公司冇講出口嘅一個精神就係長情,家教同家規都好清晰,大家都係一家人要上下齊心,你嘅事即係我嘅事。每一次遇到危機或者開心時刻,從來都知道大家會喺側邊,好有安全感,好有愛,從來唔會感到孤單。(咁多年咩事令你最難忘?)1999年由飛圖變成英皇娛樂,當年公司簽咗好多新人,有我同Twins,大家望住個目標去將班歌手推介畀市民,由零開始去開荒好難忘,每次諗番都好感動。」

預告明年香港開唱

Joey笑言Alex當年看她演唱會時還是個豆丁,感嘆時間飛逝,她向Alex表示自己應獲頒長期服務獎,Alex二話不說就表示要送個金咪給她,氹得Joey十分開心,不過,Alex隨即指23年其實算小兒科,因為有集團員工做了50年,問到是否要打破該紀錄,Joey肯定地說:「可見嘅將來,不是夢。(你仲有咩想突破?)希望有一日喺英皇戲院個大銀幕出現。(你之前都有拍電影㗎?)但啲小朋友唔知道。」Alex聞言爽快地說:「我哋返去同老闆講開戲啦!」

Joey自言已有一段日子未有拍戲,而去年客串的電影應該快將上映,又表示:「作為一個歌手當然希望出多啲好作品同開演唱會,我11月開始走埠,希望好快喺香港有新演出。(點準備巡迴個唱?)放低咗幾年,要Pick Up番,包括身體、琴技以及舞步,要同各個單位傾rundown,仲有歌衫。香港就希望下年開。(你喺內地做過唔少真人騷,仲有咩真人騷想做?)想做啲得意嘢,我聽講有類似元宇宙綜藝節目,我都想試吓。」提到近兩年多在內地工作,她稱除了家人、朋友,最掛住香港地道美食雞蛋仔及咖喱魚蛋,今次回港兩個月,她特別珍惜跟家人及朋友相處時光:「呢段時間好多嘢做,要搬屋同執屋,我大部分時間會喺屋企陪媽咪,呢個係第一位,仲有同朋友坐埋一齊傾偈,同隔住個電話傾係唔一樣,可以眼望眼,摸吓佢,係好幸福嘅一件事。」

Alex見證公司起飛

至於作為第三代的Alex見證公司80周年大感開心,他表示:「公司由1942年走到2022年,有80年歷史嘅公司真係好難得,見證香港高低起伏同市民一齊成長同變化,由最初嘅珠寶店變成依家有多元板塊,期間有唔同里程碑,包括70年代金融公司、地產公司,90年代將飛圖變成英皇娛樂,最新係2017年開英皇戲院,就等於不停創業同創新,與時並進。」問到身為承傳人,會否添壓力?他認為也是動力:「我一出世睇住爸爸同同事發展公司,潛移默化下對公司發展同行業有所了解,直到2009年加入公司就真係要打真軍,都係要撞好多板,依家叫撞少啲,最開心係見到好多員工都好長情,好似個家咁,同事間好有愛,互相關心。」

導賞活動線上線下破天荒邀得超過800位長者參與。
導賞活動線上線下破天荒邀得超過800位長者參與。
活動印證英皇集團由一家鐘錶零售店,拓展成今日的多元化企業。
活動印證英皇集團由一家鐘錶零售店,拓展成今日的多元化企業。
祖兒與Alex及一班老友記在導賞活動上緬懷香港舊日風情。
祖兒與Alex及一班老友記在導賞活動上緬懷香港舊日風情。
活動現場設有懷舊小食檔,有飛機欖及糖葱餅等小食。
活動現場設有懷舊小食檔,有飛機欖及糖葱餅等小食。

發佈回覆

你的電郵地址並不會被公開。 必要欄位標記為 *

Hoka Sneakers | Skechers Outlets | Running Shoes | Kizik Shoes | Taos Sandals | Nobull Shoes | Oofos Canada | Keen Outlet | Oboz Hiking Shoes | OOFOS Sandals | Hoka Shoes Canada | Oboz Canada | Kizik Shoes Canada | Mephisto Shoes | Cloud Shoes | Nobull Sneakers | Skechers Canada | Tony Lama Boots | Naot Sandals | Propet Shoes | Keen Canada | Oboz Boots | Taos Shoes Canada | Brooks Shoes Canada | Wolverine Boots | Kate Spade Outlet Online | Chippewa Boots | Converse Shoes | Sam Edelman Boots | Justin Boots | Vionic Shoes | Born Shoes | Danner Outlet | SAS Shoes | NAOT Canada | Ecco Canada | Hey Dude Sale | Boots UK Sale | Born Boots | Clarks Boots UK | Bates Boots | Dolce Vita Boots | Georgia Boot | Carolina Boots | Tecovas Boots | Double-H Boots | Merrell Boots | Bionica Shoes | Mephisto Boots | Danner Boots | Salomon Boots | OOfos Shoes | Dolce Vita Shoes | Naot Shoes Womens | Brooks Running Shoes | SAS Sneakers | Vans Outlet | Thursday Boots | Red Wing Boots | Danner Boots |